సెప్టెంబర్ 5న స్కూళ్లు ప్రారంభించాలి: సీఎం జగన్
అమరావతి:ఆంధ్రప్రదేశ్‌లో సెప్టెంబర్ 5న స్కూళ్లు ప్రారంభించాలని ముఖ్యమంత్రి వైఎస్‌ జగన్ మోహన్ రెడ్డి తెలిపారు.పాఠశాలల్లో నాడు-నేడుపై సీఎం జగన్ సమీక్ష నిర్వహించారు.
ఈ సమావేశానికి మంత్రి ఆదిమూలపు సురేష్‌, ఉన్నతాధికారులు హాజరయ్యారు. ఈ సందర్భంగా జగనన్న విద్యాకానుక కిట్‌లను సీఎం పరిశీలించారు. అభివృద్ధి పనులకు నిధులకు కొరత లేకుండా చూస్తానని సీఎం హామీ ఇచ్చారు. 'సెప్టెంబర్ 5న స్కూళ్లు ప్రారంభించాలి. స్కూళ్లు తెరిచేనాటికి నాడు-నేడులో చేపట్టిన అన్ని పనులు పూర్తికావాలి. అందమైన వాల్‌ పెయింటింగ్స్‌,బొమ్మలు వేయాలి.విద్యార్థులను ఆకట్టుకునేలా ప్రతి స్కూల్‌ ఉండాలని' సీఎం సూచించారు. సెప్టెంబర్ 5న పాఠశాలలు పునఃప్రారంభానికి అన్ని సిద్ధం చేస్తున్నామని మంత్రి సురేష్‌ తెలిపారు. మొదటి దశ నాడు-నేడు పనులు దాదాపు పూర్తయ్యాయని చెప్పారు.
